(هاد الموضوع كيهم طب النساء والتوليد والمصحات) السلام عليكم سبق لي سولت في المجموعة على الإختيار اللي عطات الدكتورة بنزكري لمادام بين مصحة الأمم ، حسان، البستان و سلا. أغلبية النصائح قالو لي مصحة الأمم المتحدة، لكن للأسف و بحكم ظروف الحجر الصحي اختارينا مصحة حسان للأنها قريبة من سلا . هذا الإختيار كان كارثي، و كنصحكم بعدووا من هاذ المصحة و دلك لعدة اعتبارات : التعامل ديال الممرضات أكفس من ديال العمومي، إلا صونيتي ليهم ماكايبغيوش يجاوبو ، وملي كايجاوبو كتجي منفخة، ماتسناش حتا… تجاوبك غي إلا سولتيها… و و السرقة بالعلالي وكايتستاغلو الناس اللي ماعارفينش … Ana par exemple 3andi prise en charge 100% dakhl fiha dwa f devis (1600dh) … mais jabo li l ordonnance galo li jib had dwa .. mlli 3e9na bihom gallik ghi marddinach lbal l la prise en charge . جابو داك الدواء بالنفخة حطوه ليها حدا راسها .. مابغاوش حتا يشرحو ليها شنو تاخد داك الدواء أصلا مافيه والو وملي قلناها لبنزكري مابغاتش حتا تشوف الدواء .. قالت لينا هداك شغل المصحة والبناج ماشي أنا .. وحنا كنا هي اللي كانتسناوها تشرح لينا وتوقف معانا لكن العكس .. من بين الأمور اللي كتاشفنا كذلك هو أن التعامل في المصحة تايكون على حسب الدكتور ديالك .. إلا كان كايدافع على المريض ديالو تايحضيو منو الممرضات حيت ممكن يجبد ليهم الصداع. لكن الدكتورة بنزكري ماتسناش منها هادشي. من بين النصائح كدلك اللي نعطيكم … ديييما طلبو التفاصيل ديال الفاكتورة أو الدوفي.. إلا كتبو ليك مثلا الدواء 1600 قوليهم كتبو لي السميات ديال الأدوية كلهم .. حيث نهار الأول كايسمعو ليك و يتجاوبو معاك أما ملي تخلص وتدخل تلقى وجه آخر من بعد العملية المادام بقا كايجيها الحريق والتنمال ، صونات للدكتورة قالتها ليها وقالت ليها راه ماعطيتيني حتا دوا من بعد العملية ، نفس الجواب عاودتاني قالت ليها هاديك خدمة البناج و المصحة شوفي معاهم وهدشي كلو تجمع مع كورونا و حنا بوحدنا غي بجوج ماعارفين والو و تخاف غي تنوض الصداع ينتاقمو ليك من البنية أو شي حاجة المهم الحمدلله البنت بخير و المادام كاتعافى شوي بشوي … ونتمنى تستافدو من التجربة والأخطاء ديالنا والله يجازي كل واحد