كنت سولتكم على كلينيك مزيان فطنجة نولد فيه. وأغلبية الناس قالو لي كلينيك طاليان قالو لي المعاملة فيه طوب والنقا وطاطا من هنا اوكي مشا راجلي سقسا وقالو ليه مرحبا نهار تبغي تولد مرحبا. رتاحيت نفسيا وتسنيت نهار الولادة. فاش شدني الوجع ونزل ماء الجنين ركبنا فطاكسي ومشينا نيشان لكلينيك. اش نقوليكم أسوء إستقبال من عند الفرمليات قلبوني وقالو لي سيري راكي ماااازال وحطي 50 درهم فالباب. بهاد الأسلوب وأنا الوجع والبيبي غينشف من الماء. مشيت وتقت بلي مزال ربما وجع عادي حيت أول ولادة. مشيت… لدار وشدني الوجع كثر وكثر وكثر ودم منعاودش ليكم رجعت عندهم كنبكي. مع 2 ديال الليل. جات عندي واحد الشيخة شافتني قالت لي مزال احنينتي صباح عاد جي. قلت ليها راه صافي كنموت عتقوني قالت لي ختي معندي منعمل ليك تالصباح يكون طبيب (على أساس هذا كلينيك) خدينا طاكسي لمحمد الخامس كنت غنولد فطاكسي قسما بالله أول موصلت ذخلوني لولادة. شكون قالي كلينيك الطاليان مزيان إلا يسمح ليك وصافي. صدق محمد الخامس حسن منو ألف ألف مرة. وهادوك الشيخات حاشة واش فرمليات ديال كلينيك الطاليان دعيتكم لله وكون عندي جهد نوقف معاهم فالمحكمة. حيت كانو غادي يقتلو لي لي فكرشي بإهمالهم. وسمية ديال الكلينيك ها العار لما بدلوها سميوه كلينيك الصومال. 😠😠😠