#قصتي_مع_النصب السلام عليكم تحية لواحد الأخ حط منشور فالمجموعة كيفاش تعرض للنصب من واحد السيد بغى يبيع ليه هاتف عبر الأنترنت… حتى أنا غنحط قصتي مع النصب وخى المبلغ بسيط جدا ونتمنى من الجميع يشاركو معانا قصصهم للعبرة لأن ماكاينش شيواحد لي ماوقعت ليه شي قصة مع النصب أو تزرف شي نهار المهم كنت فالعمل وقف عليا واحد الشخص لابس مزيااان هاز الكونطاك ديال السيارة المهم السلام عليكم و عليكم السلام سمحيلي أختي.. وبحكم الصطاسيون مابعيدش عليا.. قاليا هاد الصطاسيون لي حداكم مامزيانينش وك…دا.. علاش قالك طاح اومبان كمل ليه ليصانص و بغى يخلي ليهم التليفون حتى يمشي يجيب الفلوس من عند صاحبو خدام ماقدرش يديبلاصا عندو و هو براني و عندو مشكلة فكارط كيشي ولا مانعرف… و مابغاوش وبغاني نعاونو وحلف يرجعهم ليا حيت مايرضاهاش على راسو.. أنا بقيت تنشوف فيه حيت ياااااما تيدوزو عندي قصص بحالو جميع أنواع النصب و السعاية المتطورة و مع ذلك تقت شوية ديك 30٪ حيت هذا تقن الدور مزيان و عطيتو 50 درهم باش يديباني فقط هههه المهم قلت على الأقل ماهاز جنوي وتيقطع الطريق.. وفاش غادي خارج قالي عارفك ماتيقتينيش ولكن ياك غتبقاي تعاوني الناس.. صافي تما تأكدت غير تينصب و زدت تأكدت لما جاء عندي العساس ديال السيكتور سولني واش جا عندي حيت داز عند شحال من واحد المهم أنا جاتني غير ف 50 درهم ماساوية والو تنخسرها غير فوجبة أكل غير بغيت ننبه لهاد النوع لي تيتفنن و يبدع فطرق النصب