قصتي مع النصب واحد النهار كنقلب فموقع للبيع وانا نلقى تلفون دايرو مولاه 4600 درهم وهو اصلا داير كتر من 7000 درهم تاصلت بالسيد وقاليا مرحبا منين نتا قلت ليه من اكادير قال ناس اكادير الله يعمرها دار كاين شي املو شي زيت اركان قلت ليه مرحبا موجود الخير قلت ليه بغيت التلفون قلت ليه منين نتا قاليا من جرسيف قلت ليه كيفاش نشري من عندك قاليا واش كتعرف شي واحد هنا فجرسيف قلت ليه لا كيفاش ناخدو بغيتو ابيض قلت ليه نقص ليا شوية قال ليا بلاتي نتشاور مع الشركة شوؤة وعاود تاسل بيا وقال ليا م…ايمكن نقص ليك ولكن غنسيفط ليك معاه تلاتة مكبرات لكاميرا الهاتف وانا نقول ليه بغيتو ذهبي اللون قال ليا غتزيد 200درهم قلت ليه لا مشا عاوتاني باش يتشاور معاهم قال ليا لا هذا هو التمن 5000 درهم قال غتفيرسي ليا فالبنك عطاني رقم الحساب لي هو اسلا ماشي حساب فقط بطاقة مسبوقة الدفع حتى انا ماشي من العاجزين مشيت ديك الساعة فيرسيت ليه فالبنك بحال الا عمات ليا عيني او السيد دار ليا شي حاجة تبلوكا ليا العقل مع العلم اني لست غبي او سادج ولكن فهداك الوقت وقع شي حاجة انا مافهمتها لحد الساعة ..ملي فيرسيت ليه وتأكد ان المبلغ وصلو تاصلت بيه لقيت النمرة طافية صافي طفا النمرة ودا الفلوس وما وصلني لا تلفون لا والو. الانسان يأخد الاحتياط ديالو وما يتيق فحتى واحد للعلم مابقا فيا الحال..ومن هاد المنبر أسأل الله عز وجل ان يغفر له ويسامحه فقد سامحته والله يهديه