بما أننا فمجتمع ولا غادي من سيء لأسوء.. وبناتنا وخوتاتنا ونسائنا بشكل عام كيتعرضو للمجموعة من التصرفات كنعتبرها انا حيوانية ( التحرش, سرقة ، مضايقات) غنقدم نصائح لي نقدر نقول أنو ممكن تفيدكم… بالنسبة لي كيتمشاو فبلايص معروفة بالكريساج.. كاينه فكرة انو اوراقك و فلوسك و هاتفك النقال عمرك ما ديريهم فصاك يدك … ديري فيه ماكياج اوراق ماش مهمين شاروجر ..االمهم فلوسك و وراقك المهمين و الهاتف ديالك ديري بوشيتا علقيها فعنقك او تحت حوايجك بحال دوك لبوشيتات لي كيديرو درارير.. كيكون…و صغار و مباينينش.. تا شفارة كيشدو غا ساك و كيعلقوو تاني حاجه بالنسبة للبنات لي كيركبو فطوبيس و كيتعرضو لسرقة حاولي معمرك توقفي وسط طوبيس.. ديما قربي لأقرب مرة او بنت جالسه و تكاي على لكورسي ديالها و صاكك عنقيه قدامك.. هكا كتكوني تهنيتي من صحاب خفة الاصابع و حتى دوك المتحرشين لي فطوبيسات كثر من الركاب.. واخا انا هادوك كتجيني أحسن طريقه يستاحقوها.. هو فنيتا فجيبك او فصاكك.. مع تحسي بشي حاجه غريبه خرجيها جنب خليه فين ما قاسك ينقز.. و عمرك تقولي عيب او حشومة او مباغاش صداع… لبنات لي كيخدمو بالليل او فصباح بكري و كيدوزو من بلايص بوحدهم.. تعلمو تصنعو بخاخ ديال الفلفل الحار.. راه الطريقه فاليوتووب ديما خليه فيدييك ومتردديش تهاجمي بيه اي واحد غيأديك تعلمو تزعمو راه تا حد ما غيرحمك او يعتقك لما دافعتي على راسك.. اما دووك صحاب نگيير و الهضرة الخاسرة لي كضر فالخاطر.. أحسن طريقه هي لكييت فودنييك و طلقي ليا عثمان موليت و هي لمعفر تعفر بشويه و طز فالعالم.. ومن الأحسن تفاداو دوزو من بلايص خاويين بوحدكم.. دوزو من شوارع كبييره واخا تطوال عليكم طريق هانيه غا تفاداو المشاكل.. و الله يحفظ جمييع سكان هاد الوطن من شي مخلوقاات ولات عايشة وسطنا