السلام عليكم انا كاري فالدار فيها جوج شقق الطابق الاول+ الطابق الثاني والمشكل الضوء والماء مشروكين بين الطابقين بعداد واحد وانا كنلقا مشكل مع جاري فالخلاص، الى خلصتهوم انا، ماكيعطينيش رزقي فالوقت، كيعطل عليا او كيعطيني ثمن منقوص، والى خليتهوم ليه هو كيعطلهم بعذر انه نساهم حتى يتجمعو 3 شهور او اكثر ويخلص واحدة ويخلي ليا جوج، والى جيت نتحاسب معه كيغلطني فالحساب بلي هو خلص فاكتورات قدام وانا ماعطيتو رزقو، وانا كنعرف انه كيكذب وهادشي غي باش ياكلني،… مهم بغيت نسولكوم اشنو تجاربكم فالتعامل مع بحال هاد نوع من البشر. واخيرا واش ممكن من عند المكتب الوطني للكهرباء والماء يخرجو لينا 2 فاكتورات معزولين د الضوء والماء (50% ليه و 50% ليا) واحدة بسميتي واحدة بسميتو ولو عندنا عداد واحد. وشكرا