السلام عليكم انا سميرة عازبة فالاربعينات من عمري و عايشة مع الام ديالي فسبعينات من عمرها بجوجنا كنعانيو من امراض مزمنة و هاد ليامات جرات عليا مولات الدار عطاتني سيمانة دالاجل بش نخرج من الدار الا مخرجتش غدي تلوح ليا حوايجي برا ودابا محتاجة شي حد اولا جمعية لي تعاوني نلقا شي دار و تكلف ليا بالمصاريف دالكرا واخا غير شهر واحد بش نضمن راسي مهنباتش فالزنقة غير هاد شهر بعدا خصوصا انني عايشة مع الام ديالي لي كبيرة فلعمر و مريضة و دابا حنا ره كاينين فواحد الازمة مادية الله اللي عالم …بها و النفسية ديالنا محطمة بزاف مقدرينش حتا نعسو ولا نبتاسمو عندنا الصغط بزاف من كاع النواحي سمحو ليا بزاف الا لحت هادشي هنا واخا عارفاه مشي بلاصتو و لكن ره كون مكنتش محتاجة مكنتش غدي ندير بحال هكا ..عييت منصيفط لكاع الناس وكاع الجمعيات حتا واحد مكيجاوبني فيهم معرفتش معامن نهدر باقي بغيت نطلب منكم غير واحد الطلب الا كتعرفو غير شي جمعية ولا شي حد اللي يقدر اعاوني كولوهم ليا نجرب حظي معاهم المهم انا مستعدة اجي عندي حتا لدار وشوف الحالة اللي عايشة فيها انا و الوالدة ديالي ..ملي كنتفكر بلي باقي ليا غير سيمانة و مكاملاش بش نخرج من الدار كنبغي نموت بالفقصة …اللي هدرت معاه مكيجاوبنيش ..كاع الجمعيات هدرت معاهم حتا واحد مرد عليا ..واحد الجمعية لي كانت كتعاوني الله اكتر خيرها و بسبابها بش انا ساكنة فهاد الدار ولكن غير مشات ديك الجمعية و الكريدي كيتجمع عليا من شهر 3 حتا لدابا …انا خدمتي على قد الحال كنبيع كلينيكس فزنقة لطوموبيلات الفلوس اللي كندخل من داكشي يالله كيقدوني بش نحبس الجوع انا والوالدة و ماشي ديما كاين نهار لي مكنجمع فيه والو ..غير الجيران اللي كيوكلونا معاهم وصافي ..انا هاد الخطرة وصلات فيا العظم و ملقيتش على من نشكي ولا ليشوف من حالي والله حتا تقهرت معرفتش وش نفكر فالجوع ولا التشرد ولا المرضة والله حتا تلفت المهم سمحو ليا